個椰菜$7.4，麵同雞柳夾埋都係$10左右，即係$9一餐啦，好抵。不過因為我減緊肥，個胃口真係細咗好多，一個麵分兩餐食。
跟住就乖乖的跳咗鄭多燕，今次又爆汗啦，地下都滴到濕晒。跳完，就做多30分鐘stepper。因為我覺得自己好乖，所以我奬咗自己食咗少少薯片、朱古力同埋1/4個冰皮月餅。我知，我知，如果我唔食，成績可能會好啲吖嘛，不過呢，連lee啲都無得食既話，我會好唔開心呀。所以我情願慢啲啲，都要keep住心景開朗去減囉。
噚晚食嗰個冰皮月餅，係大班既香芒官燕，我其實唔多like燕窩，不過阿嫂送既，都好開心呀。同埋啲芒果同綠豆蓉都好好味，yummy。
好嘞，今朝都係要上磅，咦，都ok喎，跌咗0.6磅喎，雖則2個星期先減到1磅，係慢啲，但我終於衝破咗，唔係成日都仲有7.x磅，係6.6磅呀，唔知56日減唔減到呢，擔心ing~~~
不過呢，今日中秋吖嘛，我會放自己一日假，BBQ啦，月餅啦 (我仲專登買咗大師姐既奶黃月餅同啲屋企人分享)，我都會食既。老土啲都要講句：祝大家中秋節快樂!!!!
仲有兩個零鐘就放工 (公司大發慈悲，放早兩個鐘呀，開心開心)，已經有啲心散添。唔得，我要乖乖的做埋嗰兩個鐘，跟住好好咁過我既中秋同埋 long weekend 呀。
喂~~~祝你中秋節快樂呀~~~
回覆刪除咁你咁乖減肥梗係要俾自己食少少野做獎勵啦~~~我支持你呀~~
多謝你呀，我中秋過得好快樂喎。我俾我徊21個月嘅表姪仔𠱁得好開心。
刪除哈哈，我lee兩日都有獎自己呀，食咗好多好食嘅嘢呀，所以今晚夜媽媽都鄭多燕+stepper，雖然辛苦，但做完又幾開心喎。
有你支持，我會繼續努力，希望可以快啲報喜訊啦。