急就章之關西自由行 2014 DAY SIX (29 May 2014)

我發覺我既暑假仲忙過返工咁既，做完運動，又食，食完，又要做運動。不過我都乖架，唔係剩係玩架，有為我份新工做啲準備，搞到噚日唔知係咪有啲中暑添，香港既焗熱天氣真係唔係人咁品。

急就章之關西自由行 2014 DAY SIX (29 May 2014)

今日話就話 last 一日，但其實係咩都做唔到架，因為我地要搭10 am 機嘛，fansfare 啲票係咁上下架喇。我同 P 晨咁早5點幾就起咗身嘞，食埋啲剩餘物資做早餐：

好正既 pudding，上次北海道東京行食過之後上咗癮，見到都會買嚟食。今次見有cheese pudding，試埋，errr，普通pudding 好味好多囉。

 見啲拳友買yogurt買得好開心，又唔執輸跟買，都食過唔同既牌子，我最愛lee款

去日本一定食既飯團，真係有啲掛住添。嗰腐皮壽司就喺大丸個supermarket買既，我同P都超愛腐皮壽司。

食完，hea下，P就要搽下防曬，化下妝咁，我就睇下電視。話咁快都夠鐘集合。Check out 埋，大家就拖喼去車站啦。日本啲車站好多時都剩係得樓梯，好彩我同P今次唔係買咗好多嘢咋，所以自己都搞得掂，仲可以單手插袋添，好似好瀟灑咁 (哈哈，好嘔)，其他團友就要等J先生出手。

都比我地預定既時間早咗到車站，買埋車票，就諗住有時間可以退埋咗IC咭啦，唉，今次就話要去JR先有得退，咁唯有留返下一次用啦，好鬼煩。

話咁快就上車，又話咁快去到機場，35分鐘左右，好彩關西機場咁近市區咋~~

過晒關，入晒閘，又去哨下有咩買啦，我見到一風堂盒麵，又即掃兩個，一個自己食、一個送俾S，J夫婦見我掃一風堂麵，都跟住掃，哈哈，仲買埋赤丸 (後話：佢地買咗兩白兩赤，但拳友J話未食到，就俾佢兩仔爺食晒lu)。仲有見到上次喺京都諗住買，但後尾收咗舖買唔到既綠茶餅，又掃。

掃完貨，就周圍睇下有無嘢食，但係得啲拉麵嗰啲，但晨咁早食拉麵又確係heavy咗啲既，我同P仲食咗啲啲早餐架嘛，咁我地就剩低J先生，去Starsbuck買啲light meal同飲杯嘢啦。因為Starsbuck無位，我地幾個買完嘢就喺機場啲sofa坐住食啦，咁又，日本既starsbuck係好環保既，唔會有香港嗰啲熱飲既膠飲管，而P呢，又覺得真接喺杯蓋個窿飲係好熱既，咁佢就好似LEE幾日咁想開蓋嘆涼啲先飲，點知就出事啦，因為佢係張sofa度就唔到力，一開就打瀉晒，佢就濺到少少咁啦，但坐佢隔離既我係半邊褲濕晒囉。唉，我估當時我塊面一定黑到好恐佈囉。要著住條俾 green tea latte 濺濕既褲搭幾個鐘機，it's a nightmare~~ 咁我就諗住入廁所搞搞佢啦，P幫我拎條褲去吹風機都吹，我就匿入廁格。都叫好彩，都吹得有7成乾既，上到機就8成幾乾咗啦，總之，就無話覺得唔舒服就OK啦。

返嚟LEE程機睇咗套戲：August: Osage County ，唔係好睇，又唔難睇啦，食埋個餐：

LEE個比去程嗰個好啲，但CX啲餐真係難食咗好多

好快咁就返到香港，搭埋機場巴士返到屋企三點左右啦，執完嘢，真係頂唔順眼瞓去咗瞓覺，哈。

今次既收獲：

除咗對Garcons鞋未捨得著，其他著晒啦。

仲有lee對，好like佢，hehehe

食既，我好鍾意食嗰個chili tomato杯麵架。個tokyo banana就幫同事買既，我自己又唔太好喎。最右邊嗰個綠茶餅好味喎，見到可以買。個梅酒啫喱，就超正，好快就食晒lu。其他都好好味，不過唔咁長氣嘞。

其實真係無諗過會同啲拳友去日本，一直都覺得去日本喺要啲志同道合既人去，即係taste要差唔多既，因為我同P都係shopping 精。好彩關西行之前，我地已經喺東京掃咗轉，所以我地先可以做等待既人，哈哈。覺得lee個trip 真係幾神奇，2個半鐘訂晒機票同酒店，之後得一日兌錢，準備行程。除咗有啲小意外同J先生發脾氣之外，個trip都好順利吖，叻呀我地~~



急就章之關西自由行 2014 DAY FIVE (28 May 2014)

我既暑假，今日開始呀，去咗搵啲工作上識咗好耐既朋友食 lunch，仲要係 semi buffet，肥呀。所以呢，我今朝做咗 part 鄭多燕先去食架，係咪好乖呢，hehehe~~

好啦，繼續我既關西遊記先：

急就章之關西自由行 2014 DAY FIVE (28 May 2014)

話就話聽日先飛返香港，但班機係朝早10點 (第一次挑戰咁早機返國)，咁即係今日當 last day 咁玩啦，有咩要食好食，要買好買嘞。

今日一早先去黑門市場encore個早餐先啦，佢地都係食返嗰檔海膽，魚生，今次J先生仲試咗河豚：

我同P都係食下關東煮，仲有同佢地一齊食牛肉囉，最遺憾係卜口壽司嗰檔休息，堅想食多次架嘛。

我地今次仲買咗好多生果同果子返去酒店食：

先嚟一張合照，再逐一介紹

好甜又多汁既瓜，好掛住

未係最當造既桃，但都好多汁，同埋好香甜

草梅大福，拳友E食咗話好味，跟住我話買，佢爭住買嚟請我地食。

LEE個餅，我好鍾意食，買嚟一齊食啦，不過評價麻麻~~

白色士多啤梨，P好想試，又難得團友們唔介意有公款買。lee pack 嘢要成2,980 yen，貴過紅色嗰啲成4倍。唔，其實真係得意囉，白色，但味道真係無咩大分別咋喎

食完，大家返房稍事休息，有得放低既就放低啦下，你地明我講咩既，hehehe



我地下一站係去南堀江 shopping，但 shopping 之前，團友們又話要先食 lunch 喎，吓，又食？好啦，今次佢地終於肯同我去食大阪王將嘞，我成日聽S話日本既大阪王將既天津飯好味，好想試架嘛。

個天津飯又幾趣緻架喎，諗住佢有個咁杰既芡，應該唔係幾好味，但食落又唔錯喎，可以試下呀，LEE 個

餃子，好味。



食飽，真係去shopping 啦，去到南堀江，先去A-NET 舖行下，但大家都無收穫，咁跟住去另一間我地常去既舖啦，原來拳友E都係想嚟LEE 間，哈，除咗J夫婦無收穫，我地個個都有嘢買。不過，最癲既都係拳友T同E，hahaha~~

行完，入咗間cafe飲嘢，都幾靚既，不過佢話 no photo 喎，所以無影到相。

飲完嘢，繼續行程，又買過，開心呀。買完衫，再去大丸買宵夜，今晚我地要豪啲呀，要似喺曼谷嗰啲咁先得。買完，又去晚飯啦，今晚真係諗唔到食咩，大家又好鬼攰，所以係道頓堀是但搵一間食，開頭都諗住雷嚟既，但又估唔到個味係正常味喎。不過，最衰就係好多香港人囉，後面嗰枱就猛話唔駛專登搵嘢食，lee度都勁好味。吓，lee間嘢係正常味啦，但一定唔算好味喎~~

其中一個餐，咩都叫正常咁囉。

返到酒店，稍事休息，宵夜time：



 lee個塩tomato，真係勁好味，多汁，又真係有啲塩味，吊返蕃茄啲甜味，真係好好味。

ham好正，salami正常，cheese又啲好正，有啲係雷

諗住買隻貴啲既，點知偏酸既，唔通貴在佢酸???

我同P最愛既olive，好味。

食到好飽，要返房執行李，聽朝6:45集合呀。

急就章之關西自由行 2014 DAY FOUR (27 May 2014) PART TWO

我呢，因為舊年6月的起心肝減肥，所以決定帶飯，因為街啲嘢實在太肥。咁帶飯，食完仲有好多時間架嘛，我決定寫返 blog。寫下寫下，又儲咗三個朋友仔會睇我個blog，咁就一直繼續寫。但就嚟轉公司嘞，仲可唔可以喺 lunch 時間寫 blog 呢？又，會唔會太忙，無心機寫呢？真係唔知會點呢。不過，我會乖乖咁寫埋我既關西自由行既。

急就章之關西自由行 2014 DAY FOUR (27 May 2014) PART TWO

食完雪糕，我地出發去梅田呀，無錯，因為我地又要 shopping 呀。我心目中已經有一個目標啦，go go go~~

咁第一站，梗係去食過晏先啦。阿拳友T話喺大丸食過一間幾抵既，咁我地又無諗到想到想食啲咩，咁跟食啦。大部份既 set lunch 都係千零、二千円左右，我同P揀咗兩個餐 share：

蟹雜炊配烏冬，我好愛食雜炊架。雖然 lee 個雜炊無喺北海道食嗰個咁好味，但都唔錯。烏冬就 ok 啦。

叫 lee 個餐係貪佢咩都有囉，味道就樣樣都 ok 啦。係期望中既好味，但唔會話 wow 嗰啲囉。

食飽就出發去伊勢丹血拼呀，但未到伊勢丹，途經大丸個超巿，P話啫喱呀，就衝咗入去買。係呀，咪就係上次喺北海道試過超美味，但又俾我阻止咗買嗰啲啫喱呀。今次重遇 (係嗰啲 promote counter 嚟架，仲要呢，係最後一日喎)，P嗱嗱聲入手買包大既雜錦味，諗住唔阻大家。點知呢，團友見唔肯點買嘢既P，衝住去買啫喱，忍唔住問P係咪正嘢，咁梗答係啦，拳友 T 試食完跟買包大既。原本諗住走，但其他團友又唔抵得，又試食下，一試又搶住買，最後仲要講到價，買咗好多包先走。哈，我覺得個叔叔真係要多謝阿 P 囉。臨尾一日，都幫佢清咗咁多貨。

去到伊勢丹，就各自行動啦。我同P先去搵 Pierre Herme 買 cake 食，無錯，我地上次食上癮喎，按此。但好可惜，lee 間係大阪唯一一間，係無 cake 賣架，泣。但我又唔想空手 (肚?)而回喎，就話試 lee 個啦：

有 passion fruit sorbet, cream cheese ice-cream, 仲有 orange marmalade, 用 macaroon 夾住既雪糕三文治。甜咗啲啦，但我覺得都幾好味。不過梗係啲 cake 好味啲啦，我好鬼掛住呀。

食完，就去搵我既目標嘞，去到 Garcons 個 counter 見佢 show 大 size only，其實應該問佢仲有無size既，但再望下個價錢，又有 hesitation 嘞，所以最後都無問。跟住周圍行下啦，好多嘢都好靚呀，但都勁貴囉。所以我同 P咩都無買。不過就要等阿拳友J搞退稅囉，都等咗好耐呀。

之後，就去咗阪急，我都係去睇 Garcons，阿J先生就要搵手信俾人，我地喺一樓近 LV 個入去入既，嗰陣都6點幾，咁就約8點喺 lee 度集合返。去到 Garcons，又係無，但我見 sales 姐姐著住，膽粗粗問佢，佢就話入晒倉嘞，咁佢就入倉摷，跟住拎咗一太棟鞋出嚟，都係嗰個系列既slip on 同搭帶款。其實我想買白色既 slip on，但 size 唔啱，唯一一對啱既係搭帶款。其實呢，我一開始係 like 搭帶款既，但諗緊無咁好襯，所以就諗住買slip on，咁既然個天咁安排，哈，我就買咗對搭帶款，wakaka~~ 阪急有俾 tourist discount既，但嗰張 coupon 呢，就係喺 information counter 嗰度攞既，咁我唯有就撲落去攞啦。途經又見 CA4LA，我就叫 P 睇住先，我自己去拎鞋。攞完對鞋，我就同 P 回合，又 whatsapp 問下各拳友有無嘢夾退稅，因為我對鞋已經夠退，最後P都揀到頂帽。嗱臨同拳友E 同 P 去搞退稅，嗰陣都 7:50，好緊張。去到，好彩無咩人，拳友T 同 J 都過咗嚟，係唔見J先生。原來我睇錯咗佢張紙，佢要去阪神買手信，唔係阪急，所以佢地喺行勻阪急都搵唔到。J先生自己過咗阪神買，約咗喺LV嗰度等。退完稅，拳友E又見到嘢想買，咁拳友T 同 J先行去會合J先生啦。

好嘞，到買晒嘢，都8:10左右，條電梯封咗，無得上返LV嗰度，周圍望下，見佢地喺大門口等緊，仲衝過去，口快快問J先生買唔買到啦。點知，原來佢發緊脾氣呀，塊面好黑之餘，仲怒氣沖沖咁話自己等咗好耐，又聯絡唔到 (因為J夫婦無租咭)。Oh, my god!!!! 都唔知點收科之下，就話夠鐘去食飯啦，但又諗唔到食咩，咁就決定返去難波食啦。原本我想食S成日話好食既大阪王將，但佢地怕 J先生唔啱食，堅持食LEE 間，咁我同P叫咗 LEE 兩個 share：

 無錯，係要食吉野家，P 揀咗咖喱牛肉飯，正常啦個味。

我揀咗sukiyaki，都ok既，係嗰啲麵條唔知點解一啲都吸唔到味，好怪囉。

lee對就係我對Garcons鞋嘞，靚唔靚呀。但我仲未著呀，因為成日話又局部地區性驟雨，唔敢著呀。

嗰晚我同P落咗街行，之後就又join返埋一齊食宵夜，但明顯J先生度氣未消囉，唉~~

急就章之關西自由行 2014 DAY FOUR (27 May 2014) PART ONE

噚日又一單墜機新聞，睇到個心都實晒。唉，點解近排咁多 sad news，好多意外，好多戰爭......

個世界咁亂，真係要好好活在當下，珍惜身邊既親人朋友呀~~

急就章之關西自由行 2014 DAY FOUR (27 May 2014) PART ONE

今日行程緊密呀，要早起出發。一早就去咗 starsbuck 對個早餐先，因為拳友J、T 同E都要飲杯咖啡回魂喎 (但話時話，明明上次係曼谷唔覺佢地要飲回魂啡架...)。

食飽就出發啦，無聊影張出發相先：

 今日去既地方係J先生另一個心願，但其實都係我好LIKE既地方。無錯，係海游館呀~~

 唔知點解日本人好 LIKE 既水豚君，我覺得佢幾醜

 好多毛既企鵝

可憐既翻車魚......

 好大眼既龜

叫做青瓜既水母，同埋倒影既我

 有得摸，但好腥咁，得J先生有摸

即場SEND咗俾朋友S睇，佢第一句話佢好得意，跟住話佢好似雪硬咗咁。errrr，點解我啲朋友都係咁詭異既呢，雪硬咗，所以cute？oh no!!!

仲有幾隻既~~

行完，我地經過超市，又買雪糕食先：

J夫婦食既雪糕三文治，拳友J話都係過甜喎

我同 P share 既 caramel，甜呀，但好食喎，哈，我係揀擇性sweet tooth 嚟既

PART ONE 寫住 LEE 度先，又講下近況啦：

返埋下星期，我就會離開而家間公司啦，兩年幾，開心、唔開心，一半半啦。只係知道LEE度再唔適合自己，就好來好去的離開好了。將要去適應新既環境，都有啲緊張，不過呢，我會好好享受去新公司前既"假期"既，期待~~

急就章之關西自由行 2014 DAY THREE (26 May 2014) PART TWO

好懶呀，好懶呀，唔願做嘢、唔願煮飯、唔願寫 blog、又唔願做運動，就嚟變做無用大肥豬嘞~~ 哎呀，唔得咁呀，我要乖返啲，做返隻勤力小蜜蜂先得~~

咁就由寫返 blog 開始啦。

急就章之關西自由行 2014 DAY THREE (26 May 2014) PART TWO

食到勁飽，我地就決定今日喺難波同心齋橋行下。難波梗係要行0101啦，因為都係個句，show 銀聯咭有5% off 加埋退稅個8%真係爭好多。但又因為我同P已經係2月喺東京血拼完一輪，所以都好忍手。係買咗兩對之前已經睇中，有諗過叫水貨舖幫我買既鞋咋，咁而家難得去到日本，無理由唔買咁蠢啫~~

買到咁上下，大約4、5點，啲團友又話要食喎，咁就食一風堂啦，其實好鬼大雨架，但又唔敢行地下街喎，因為用唔到data，睇唔到 google map，所以咁大雨都要行地面 (因為太急就章，所以都無時間搵晒啲 map，真係要靠 google map先得)。好彩呢，最後都搵得到啫。

最鍾意佢啲芽菜同酸菜任食，我係醃菜迷嚟架，所以每次都開心死既。雖然香港而家已經都有得任食，但啲芽菜醃唔夠，好青既，no good~~

 見有期間限定，又唔怪，即試，哈，無錯，我係會俾期間限定昆既人嚟既~~

好好味囉個麵，比白丸仲多咗少少層次，好想再食。仲有一口餃子，都正。其實我地仲 share 咗沙律同炒雜菜。大食得恐怖~~

食飽，繼續行街，俾我見到佢。其實我好耐好耐喺原宿食過，唔知究竟有咩咁好味。所以一直都想食多次，試真啲。原先喺北海道同東京嗰陣已經想試，但每次都勁飽。今次見到，唔理嘞，照買，多謝  P 陪我癲，肯 share 一半。

errrr~~其實真係無特別囉，我都真係唔知佢有咩咁好食。

行呀，shop 呀，大家都一袋二袋，攰呀，無錢嗰啲團友就返酒店抖抖，仲有好多錢同好多嘢要買既拳友 E 同 T 就繼續血拼。不過要感謝 E 同 T 分別都幫我同 P買咗嘢，心心眼~~

我同 P又買咗：

又係期間限定，所以要食呀。都幾好味既，係甜咗少少。

抖完，我地就約返拳友 E 同 T 去食烤肉。今次 lee 間係旅遊書介紹既，都驚係雷，所以我都問咗朋友R，咁啱佢食過，話推介，咁就放膽試下：

嗱，嗰杯橙溝紫色既少女飲品，係我既，orange & cassie 酒精飲品，酸酸甜甜咁，好飲。P都係女仔既 cassie soda (都係有酒成份既)，其他都係佬飲既大啤，哈哈。

 先嚟 kimchi 同個沙律，都好味，無影到個生椰菜沙律，又係好味喎。

其中既幾碟肉，不過唔記得邊碟係咩 lu~~

 第一次烤腸仔，勁搞笑

唔係話超高質素，但唔貴之餘，啲嘢都好食既，比起牛角，高好多班。 

食到飽晒，但都要繼續宵夜，又係酒、薯片、魷魚嗰啲。最特別既都係本地無花果，我以前食過土耳其嗰啲，甜到漏，唔好味。但 lee 個好清甜架，又幾好味，尤其食完啲熱氣嘢，真係好清新，好好味咁囉。

玩既時間真係好快既啫，咁又1 day，聽朝一早又係J先生既願望~~