飲聚- Aberdeen Street & 伽倻

仲有3 日咋, 就要著背心、短褲同泳衣, 但我仲係肥之餘, 又腫腫地, 咁點算呀, 嗚...... 最衰今個星期仲一連3日約咗啲朋友飲聚, (無辦法啦, 鬼叫我咁受歡迎咩, 嘔......)。所以呢, 堅無時間搵阿大媽添, 唯有帶住肥腫既身軀去享受我個旅行啦, 返嚟再減過啦 :-(

噚晚3個女仔去咗 Aberdeen Street 食飯, 嗰條長命斜真係唔講得笑, 佩服朋友 B 可以踩住對高跟鞋 (雖則係吋半左右)行上去, 俾我死得。行到上去, 渾身是汗呀, 唔係跨, 我抹咗兩張 tempo, 濕到冧嗰隻。好彩, 嘢食都幾好啦, 今次仲唔知係咪飲咗啲 Cider, 嗰度嗰 mood 又勁輕鬆, 我地傾咗好多之前無講既深入話題, 生死啦, 感情啦, 電影啦, 咩都講一餐, 總之係好愉快既一餐啦。又睇下我食咗啲咩 (用手機好難將啲相排返次序呀, 希望唔好介意啦 :-p) ：

Meat touch, 有啲大路 cold cut & pickle la, 好嚡口既 chicken kebab, 不過味 OK 既, 普普通通既 garlic prawn, 好味既 mini burger (一致認同入面嗰舊臭臭地既芝士成就咗個 burger), 仲有最最最好味既薯仔, 堅係好味喎。

沙律係 lee 度名物, 唔叫唔得喎, 因朋友B同V 都好喜歡牛油果 (我其實唔 like 架), 咁佢地就揀咗 staunton street, dressing 揀咗 bikini time (叫咁既名, 應該無咁肥卦)。牛油果我食咗少少, 啲炒咗既菇就好好味, 但啲芽菜係好生下, 青到我後尾都放棄唔食 (煮了的芽菜明明係我既 favour)

 

而家講返頭盤同 drink, 熱到癲之下要飲凍嘢, 最後揀咗 Cider, total 叫咗兩個 bottle, 甜甜的易入口, 正!!! 個頭盤唔記得名, eggplant roll 住啲 Ham & cheese,  on top 係 basil 加車厘茄, 送酒佳物 :-)

最後埋單 $350/ person, 我覺得 OK 喎!!!

講完噚晚, 講埋前晚啦, 約咗4月壽星女M, 佢終於俾到期我嘞。佢揀咗伽倻, 食韓嘢喎 (佢見有團購, $120 買到 $200 coupon)。不過其實佢又真係幾貴下, 我覺得有好多平啲, 但又係好味既選擇囉。Lee 間食 lunch 就 OK 既, 平一半!

前菜都係嗰啲啦, 係個辣豆腐好味!

豆腐海鮮湯, 豆腐、蛋、海鮮係一粒青口、兩粒蜆同一類似蝦米 size 既蝦仔, 其實收得百幾蚊個湯, 要求多少少料都唔過份吖

牛肉炒粉絲, Lee 個又真係好味過其他餐廳, 質感不會太韌, 炒得又入味, 有啲驚喜

普普通通, 無驚喜既海鮮煎餅囉

Lee 餐埋單要$500, 減咗團購, 即係$420。最緊要係M 健康快樂, 隻眼快啲好返啦, 咁就唔駛素顏出街啦! 

返嚟寫下 blog

嘩, 原來咁耐無寫 blog 喎, 足足 9 個月無寫, 無理個 blog。應該都發晒霉啦, 好似我個人咁, 唉......

因為轉咗工, 公司 block 晒啲 blog, 無得 lunch time update, 而且帶飯仲要落 canteen 食, 我其實鍾意做自閉仔, 喺自己嗰位度, 一邊食, 一邊上網架嘛 :-p

而家用手機試下寫啦, 有啲嘢寄託下, 個人無咁腌悶! 講下 Lee 9個月做嗰啲咩啦: 由唔飲酒, 變到密密飲去逃避壓力, 後果係肥咗 10 lbs 呀, (因為我要食好多芝士呀, 薯片送酒), 好驚變豬! 而家唔敢飲咁多啦, 減肥真係好難架, 我仲搵返大媽救命, 希望快啲減埋嗰 7 lbs 啦 (已減咗 3 lbs, 不過好慢呢！) 仲有係多咗同啲朋友飯聚啦, Lee 9個月遇到太多怪人嘞, 令我發覺我啲朋友實在太好太好嘞 (一早已知他們的好, 但遇到怪人太多, 令我更珍惜佢地啫)

返埋今個星期五, 星期六就放假去玩嘞, 但唔知點解每次放假去旅行, 仲有單 case 要死纒住我呢, 仲要係等其他部門 support, 想急都急唔到 (其他部門係推極都推唔郁佢做嘢架喎, 咪之所以做到我覺得好腌悶囉)

俾個倒數自己開心下:
距離芭提雅、曼谷狂食, 小打之旅2015 仲有5日
Gogogo!!!!