三傻遊台北 - DAY THREE (12-01-2014) PART TWO

年三十呀今日，之後就放4日假，不過呢，唔知點解過親年啲時間都唔係好好用，可能又無街行，又要拜下年啦。anyway，都喺度祝大家身體健康，開開心心啦!!!

終於嚟到 last 一篇嘞：

三傻遊台北 - DAY THREE (12-01-2014) PART TWO

俾埋啲單阿朋友S，我地又各自行動嘞，我地就返上三越同酒店附近行下，佢好似去台北車站嗰邊行下喎，總之就約咗4點喺酒店集合啦。

三越堅無嘢行囉，巡咗個圈就走嘞，酒店附近都係無嘢行，咁行下啲便利店囉，買咗個飯團同佢地：

見香港無lee啲味，所以買嚟試下囉，噚晚食咗起司味，都ok好味。海苔未試~~

仲去行咗啲麵包舖，想搵下有無麻糬賣，但係無囉。再行下，見到繼光：

其實嗰陣我呢，已經鼻痛、頭痛、喉嚨痛，但我都仲係好想食個菇囉，所以買咗。多謝朋友P陪我食，我知其實嗰一刻佢唔係好想食，不過如果我自己隊晒，應該會更唔掂~~

食完真係差唔多嘞，上返酒店借廁所同拎埋行李，等咗朋友S一陣啦，就出發去車站嘞。去到售票處，先見到佢賣預售，仲好多人，咁排法應該趕唔到車，咁就落去下一層買即時票嗰啲counter啦，嘩，又係勁多人。排緊隊嗰陣，就望下有無售票機啦，搵到之後，就叫佢地排住隊，我去試下買，唓，原來好易買架，點解大家仲去排長龍呀。買完，得返唔多時間，就趕去月台啦。好lu，上到車嘞：

高鐵真係好好搭，又快又舒服，去桃園都係19分鐘，去到轉shuttle就去到機場。期待佢快啲整好直達機場嗰條線啦，咁就勁方便。

去到機場，排check in都ok快啦，以為自己買得多嘢啦，點知見前面啲人啲行李幾箱紙箱，真係好好奇究竟佢地買咗啲咩呢。之後，又排過關，頂，揀咗條慢線添，個關員hea做，勁慢囉，隔離走3個，我地先行一個。我同朋友S過咗等朋友P，又望下佢點解咁慢啦，見佢真係手腳勁慢，慢慢揭開 passport、台證啦，仲有慢慢對下個樣咁。其實真係無咩做，但佢真係慢做，咁係咪可以做少啲呢？

過晒關，就去搵嘢食，又係食lee啲呀：

 洪師傅牛肉麵，我叫既清燉牛肉麵，今次唔多得，淡呀。

朋友P既蕃茄牛肉麵，lee個好味啲。仲有朋友S嗰紅燒牛肉麵無影到，都OK好味。今日朋友S嬴晒呀，叫親嗰啲都最出色~~

食飽就去閘住等：

今餐都係無得揀，飯盒一個同烏龍茶，不過今次個飯好食過炒麵好多，所以我地3個都有食啲

我地買既手信呀，好快派晒 lu，唔係留到好多俾自己食，但見到啲朋友開心，我都好開心呀。好啦，下次又買過俾你地食呀吓~~

後記：

終於寫完個遊記，原本諗住好快寫完，點知都搞咗咁耐。

1) 今次用咗$4,400左右，唔太平，但又唔太貴囉。其實大部份都係用咗嚟買手信~~

2) 真係要好好保重身體，旅行病咗真係掃興的。仲要搭飛機返嚟嗰陣對耳好痛，尤期降落嗰陣，痛到我死，好似想刺穿耳膜咁

3) 第一次同朋友S去旅行，開心喎我覺得，係有時驚佢悶啲啫，不過佢話無喎，哈哈，咁我信你架嘞。講咗2年後，一齊再去旅行，唔知會唔會實現呢，期待中~~

倒數：距離北海道東京食、敗之旅仲有17日咋，我會喺新年努力啲PLAN埋個行程架嘞~~

三傻遊台北 - DAY THREE (12-01-2014) PART ONE

就過年嘞，等我分享我食咗啲咩賀年食品先：

有喺東方小袛園買既：芋蝦 (1包有10個，食咗3個lu)、豆沙角：我同P一人一個食咗啦即場
仲有喺奇趣買既咸蛋散，前幾日食晒啦，P想再買都買唔到lu~~
我知好無益架，但好好味吖嘛，一年一次，由我啦喂，哈哈~~

講埋第三日行程先：

DAY THREE (12-01-2014) PART ONE 天陰

最後一日嘞，今日book咗貳樓 cafe，lee間去過兩次，覺得啲嘢食幾好味，所以今次都再去。今次去行得近咗，因為新開嗰條捷運線有個站叫信義安和，lee個站近過太安站好多架。

佢fb有教人點行，都唔算太難，不過呢，lee間嘢夜晚去，外面著晒燈靚好多，今次日頭去就好普通咁。去到佢安排我地坐地下嗰層，但我想上一樓多啲，問佢得唔得，佢就話等多10分鐘左右，咁就等啦，佢仲俾咗餐牌我地睇咗先。好啦，等咗十零分鐘，有位嘞，我地坐低都要再繼續研究個餐牌，終於決定叫咩食：

先嚟飲品，其實lee度係兩個 all day breakfast既飲品嚟架，每個餐都有2杯飲品，我地叫咗一份係鮮奶 (我叫既，但後尾我唔飲，朋友P幫我頂咗) + 有機瑪黛茶 (朋友S飲既，佢話ok)，另外一份叫咗農夫牧草汁 (朋友P既，佢話好飲喎)，我就食鳯梨汁 (OK啦，似濃縮溝開嗰啲)

第一次上枱既嘢食：朋友S叫既馬德里臘腸海鮮飯、我叫既泊船辣蟹歐姆蕾、同埋唔知邊個叫既班尼蛋家族，點解話唔知邊個叫呢，因為佢係嚟錯咗架。我地開頭掛住影相都唔覺有錯，跟住有個staff過嚟話俾錯咗喎，都幾搞笑。

 剩返兩碟，朋友S既熊要影相喎~~

 後尾上返既係朋友P叫既老法式骰子牛早午餐

 哈哈，其實碟歐姆蕾已經分咗7788嘞，所以要情商呀朋友S既大眼仔出嚟摭下先

今次呢，朋友S個飯贏開巷，個飯最出色，雖然啲腸係普通腸，並唔係臘腸，跟住係歐姆蕾，最尾係嗰個牛，雖然落單時個staff 已經話啲牛會有咬勁，但唔似有"咬勁"，仲無咩牛味，唔ok呀。

食飽飽，我地有影團相呀，仲要用咗AR EFFECT，好似3個傻仔，所以先得出"三傻遊台北"，幾低能，wakaka~~

食完影完，我地就一齊搭捷運返台北車站，嗰陣我除咗個鼻痛，喉嚨都有啲痛，最慘係偏頭痛都嚟埋，oh，好好好好痛呀。好彩，朋友P原來有帶1粒偏頭痛藥 (得1粒係因為之前睇醫生剩落既)，嗱嗱聲啪啦，頂得一陣得一陣呀。

返到台北車站，又分組行動嘞，我同P一組，朋友S自己一組。之前咪話過等飛狗既接駁車等到嬲嬲地既，嗰陣我已經提議咗回程搭高鐵再轉巴士去機場，所以呢，我同朋友P先去台北車站望下邊度買飛同搭車，同埋從酒店去台北車站邊條route最易拖喼行，探完路，我地就順便行下車站入面嗰啲counter，試咗阿默蛋糕，都幾好食既，但唔會想買囉，hehe~~

之後，我地就去咗新光三越幫朋友買佳德鳯梨酥 (朋友覆咗話想要喎)，跟住我地又去春水堂買檸檬愛玉 (我超愛既飲品，因為今次病，唔敢出去亂飲，諗住春水堂都應該有保證啲啩)，今次買細杯裝，都幾好飲

飲完仲買咗 twelve cupcake 既 red velet，個cake真係幾 moisture，但個 cream cheese butter cream 就偏甜咗少少，反而第二日試食既 peanut 味仲討好。不過，佢都算係我食過既cupcake，最啱我口味嘞。遲啲啦，我會喺香港買嚟試下既。

食完，想買嘢喎，咁不如買肉乾啦，橫掂買唔到豬肉紙。hehe，我地終於同朋友S相遇，佢買佳德同埋肉乾。我地一齊又試下唔同肉乾、肉鬆咁，最後我買咗：

嗰個波可棒 (即係1條條既肉乾)，好好味，食晒lu，諗住叫同事2月去幫我買包大既，包肉鬆都好味，不過未開嚟食。

朋友S買咗好多，哈哈，我地就俾埋啲單佢搞退稅，加埋我地啲單啱啱好。

倒數：距離北海道東京食、敗之旅仲有18日~~我噚日開始PLAN喇終於，北海道有啲頭緒嘞~~

三傻遊台北 - DAY TWO (11-01-2014) PART THREE

噚日去咗食團年飯，我地book咗8點，酒樓嗰邊7點通知話要改7:30，搞到我同細佬要即刻喺尖東飛的去大角嘴。但去到呢，竟然叫我地坐魚缸隔離加開既枱。喂，係咪咁過份呀，我唔爆你，都唔係我啦，吓話。爆完，佢就話安排安排，最後咪要等到8點先有枱。

問佢攞menu，猛推套餐，我地話唔叫，先肯拎散叫既menu俾我地，嗰張menu得個10零個小菜，其他都係啲海鮮，揀無可揀下，6個大人1個BB，叫咗5個餸加個前菜，啲嘢細碟兼難食，唉，下年都係早啲搞啦。

又講返啲開心嘢：

DAY TWO (11-01-2014) PART THREE 天晴

好啦，飲完珍珠奶茶，就向東區出發啦。

第一站去星野銅鑼燒，買咗兩個綠茶銅鑼燒，同一件類似crepe既甜品，之後就去咗糖村，無特價呀，今次，我同朋友P各買咗盒大既，都係當手信分俾啲朋友仔食下，開心吖嘛。

之後，就出發去搵間賣古董accessory既舖頭，幾年前誤打誤撞搵到既，今次憑記憶搵下啦，點知行咗個幾鐘都搵唔到，決定放棄 (後尾先發現原來喺第二邊囉，失敗~~)

嗰時都8點左右，但都係未肚餓，我就提議去信義誠品，行咗聽日唔駛專登過去嘛。哈哈，去到就不得了嘞，我最愛書店架嘛，各自行動30分鐘，我已經買咗：

仲要衰到唔夠5日已經俾我睇晒 lu，睇晒嗰一刻幾咁失落呀~~

之後就會合埋一齊，再行下啲精品咁啦。原先有諗過返去酒店附近嗰間咖啡弄食late late dinner，但check咗10點last order (嗰陣都已經9點幾)，都係趕唔切啦，唔仆返去 lu。走嗰陣經過間麵包舖，見有canele賣，都買咗個食，ok啦，都係香港間 Le Canele d'Or 最好味。

返到台北車站都10點鬆啲，但其實都唔覺餓，見到爭鮮做緊減價，每人買咗3件咁大把，跟手去咗7-11買蛋，原本仲想買啲薯片、零食嗰啲，但我個鼻已經痛到癲咗，而朋友P又攰到無咩胃口，所以剩係買咗兩包蛋同一枝茶就算。所以呢，我地個晚餐：

 茶裡王 nice nice

 cheap sushi，好味過香港喎

仲有綠茶銅鑼燒，好鬼好味架，買咗一個俾朋友S，先發覺有紅豆，佢唔食紅豆架，都留起一個俾佢先啦

 食完，啲胃口返晒嚟，但無嘢食，惟有開太陽餅

 晏晝仲買咗杯jelly，好味喎

其實仲好想食嘢，但朋友P已經攰到瞓咗，而我地間房得一張匙咭，所以我無得出去再買嘢食呀。只好乖乖的睇下電視啦，睇咗花漾爺爺，好睇個三個小生喎。睇到12點，其實都好眼瞓下，但想等埋朋友S返嚟，攞返啲鳯梨酥執埋落喼，最後等到點幾，瞓嗰陣已經2點 lu，好彩聽日唔駛早~~

話實在，第一次喺台北食咁寒酸既晚餐，但無計，鬼叫我地日頭狂食，而我又病得越來越嚴重咩，泣~~

倒數：距離北海道東京食、敗之旅仲有20日，20日咋，好緊張呀~~要快啲清晒啲感冒先得 (係呀，台北病到返嚟都未真正清晒呀，泣~~)

三傻遊台北 - DAY TWO (11-01-2014) PART TWO

噚日俾個客噴，喂，等等，我無做錯任何嘢俾你噴喎，係咪有病先~~ 我足足嬲咗一個鐘，仲搞到我喺阿sir間房講咗句 x 街。夠嘞，我唔會再嬲，唔值得為你激氣~~

講返我個 Happy trip 先：

DAY TWO (11-01-2014) PART TWO 天晴

我同朋友P出發去買手信，第一站去江記華隆買豬肉紙 (我地搭捷運，去到大橋頭站再行過去)：

係喎，排晒長龍，再睇下張通告，話豬肉紙售完，話聽朝7點前限量發售喎。傻既咩，唔會咁做囉。其實我前年10月去嗰陣都成夜晚7點幾先去到，但仲可以任買。究竟係因為臨近新年，多人訂，定係多咗遊客去買呢，就真係唔知嘞。奉勸一句，如果想買既，最好都係訂貨啦~~嗱，我知香港有得買架，不過貴成倍，我又唔想幫襯囉~~

咁買唔到，又行下囉，因為我睇酒店攞嗰本飲食男女，有介紹話附近開咗啲新舖，幾有趣咁喎好似。行下行下見到第一間：大稻埕259，書話佢啲紅豆湯好有心機煲架喎，但當時我真係飽到上喉嚨，所以真係食唔到咯，不過都買咗啲嘢：

左：春一枝，係山楂條，嗰味又帶有啲烏梅味，我同P都愛吃，但我地估有好多人都唔愛佢囉，所以剩係買咗一包自己食。

右：嗎哪南棗核桃糕，LEE個又係好味，唔太甜，但又幾香南棗同核桃味

LEE間嘢係嗰啲selected shop，朋友P話啲雪條都出名的 (不過我唔記得名嘞)，但真係飽到食唔落。買完又再行下啦，都有行到嗰幾間舖，不過，大部份都仲係啲海味舖、雜貨舖咁囉。其實附近仲有啲舖買手作皮革、衫嗰啲，但因為要經過廸化街嗰年市，嗰日係第一日開，太多人嘞，所以我地都放棄唔去搵嗰啲舖 lu~~

下一站就係要去世家買太陽餅，應該搭2個站捷運去中山國小，但因為我太飽，就提議不如行啦，因為幾年前住lee頭附近，我地成日都咁行。咁朋友P話無所謂，不過呢，佢好後悔囉，因為佢行到腳板痛，慘慘~~

我以前試過其他太陽餅，唔鍾意食。前幾年，住lee間嘢附近，P買咗嚟試，話好好味，猛叫我試，好啦，又試下，咦，又真係幾好味喎。所以，我地之後唔係住附近，都會去買架。我仲買咗盒鳯梨酥，因為有個朋友話想食佳德，佢唔鍾意土鳯梨，咁我又唔會專登去佳德，而lee間又唔差，就買咗一盒俾佢囉。

返到台北車站，經過7-11，我話要去買蛋，因為小t推介架嘛：

 返到酒店一試，又真係好好味喎，諗住買啲返香港

又買埋lee個，上次已經覺得個樽好靚，今次終於買嚟試。emm，我覺得好難飲囉，味其實勉強ok既，但好漿口喎，我頂唔順呀

休息咗一陣，就去新光三越行下。當其時，我個鼻已經好痛，有啲嘢喺入面頂住，發炎咁既feel，我知我今次死梗，實繼續惡化，有諗過會唔會發燒，唔俾入香港境呢。但擔心還擔心，都要繼續玩架，一場嚟到喎~~

去新光三越想飲春水堂，點知俾我見有間手信舖竟然有佳德賣，激死我啦，嗱臨whatsapp問朋友要唔要多盒啦，嗰間嘢仲有糖村賣，有諗過喺度買，但又唔知糖村門市有無做減價，我地夜啲又會去東區，所以都係唔喺度買嘞。行下行下，見有間買肉乾既，記得朋友S話想買肉乾，又幫佢試下先，都幾好味，又即時whatsapp佢話佢知，我又諗下買唔買。然後，又見到twelve cupcakes，有得試食，試咗又幾好味喎，不過又係無幫襯，哈哈。最後去咗春水堂，諗住買杯細既珍珠奶茶，但個店員話中杯有折，咁好啦，買中杯啦。

3分甜，少冰，lee個我鍾意喎，茶味幾香，又少甜，啲珍珠細細粒，唔錯，不過杯嘢好似唔平既，但好味就OK啦。

飲完，病住出發去東區行街街lu~~

今日又出咗街做嘢，見噴我嗰個客，面口都係唔係咁好，但無咁癲囉~~之後同阿sir去咗食泰菜，今日差咗啲，但都ok既~~

好囉，就嚟過年啦，放完年假，好快有得去旅行喇，嘩，好開心呀~~

倒數：距離北海道東京食、敗之旅仲有23日

三傻遊台北 - DAY TWO (11-01-2014) PART ONE

好啦，等我今日講下 DAY TWO 先：

DAY TWO (11-01-2014) Part One 天晴

今日好早起身，因為9點3就要從酒店出發。 要早係因為朋友 S有個地方想去：

無錯, 就係去鼎泰豐喇，我地去咗永康街間總店，搭捷運去東門站一出就見到，方便過以前好多~~朋友S喺出發前幾日話想食小籠包，因為今日下晝同聽朝都訂咗位食飯，而佢又會食埋晏就自己行街同去睇陶喆，所以就今日早餐食咗佢啦。因為早，我都係第一次唔駛等~~

小籠包，好味~~

 酸辣湯，唔好味~~

 蝦肉餃，OK啦，但唔特別~~

 好大個籠~~

得兩個包，迷你麻蓉包，熱熱的，饀多多的，好味。

鼎泰豐呢，我都係鍾意食佢個小籠包同麻蓉包，其他嘢麻麻地啦。啲人成日話佢啲炒飯出名，但我每次都好早去 (之前就10點幾去，因為唔想等嘛)，所以無心去叫炒飯喎。

食飽，就去買手信喇。今次又去信遠齋買燻雞脾，買俾我舅父舅母試下，佢同我啦，朋友P都係煙燻同好者。無影俾大家睇，因為買好就即刻入埋落密實袋 lu。朋友S見我地買得咁開心，都買咗兩隻俾佢媽咪同家姐試下喎。(試後感：我舅父、伯友都讚好、我舅母就話OK好味，朋友S家姐就話好咸~~口味各不同啦，但鍾意食煙燻嘢既話，值得一試呀。)

買完雞脾，朋友P要去買菇乾：

佢買咗兩包唔同既，不過我影唔切已經送咗出去喇。LEE包擺喺屋企一齊食既，味道都幾得意，有菇味，但又有啲甜甜地咁，nice

之後又經過lee檔嘢：

上次嚟到佢休息無得食，今日其實無位食佢架，但真係好想食囉~~我地order咗芝士蛋葱抓餅。朋友S見有葱，原本話唔食既，但我地叫佢試下啦，佢都幫我地食咗啲。都係好好味喎，尤其係啲芝士融咗，漏出嚟咁，好正。但因為太大份嘞，而我地12點又有第二餐等緊我地，所以食剩小半塊都掉咗lu。係囉，折墮呀，下次唔敢嘞!!!

跟住搭車去公館站，去食馬辣呀：

酸菜鍋配麻辣鍋，老老實實，湯底無太和殿咁好味，但放題有一好處，就係可以每樣試少少嘛，又老實講，佢啲嘢質素OK架，唔似香港嗰啲一放題，啲料就好唔得。得2、3個人時，去嗰啲散叫，食得好少款架咋~~

我愛油炸鬼，第一樣係食佢，最尾都係食佢，朋友S都係，哈哈。仲有蛋餃、燕餃我都like，海鮮嗰啲我無拎，雖然有好多款~~

我去公館店，因為第一次係食LEE間，揀LEE間分店係因為上網見啲台灣人話LEE間啲嘢食好啲喎。係啦，傻傻地架，有放題火鍋食，朝早仲食咁多嘢~~ 咁唯有慢慢食啦。食下食下其實都食咗好多，但無咩心機影啦，來來去去都係嗰啲啫。食到勁飽，我地都仲有食雪糕呀，朋友P仲食咗3杯，傻的~~

食到超飽的，我地同朋友S就各自行動囉~~

噚日出咗去做嘢，食咗嗰唔好食、但又好肥既lunch，雖然唔駛俾錢，但我覺得好蝕囉。好彩夜晚有好嘢食：

朋友P煮既泡菜雞肉薯餅同埋泡菜雞肉煎蛋，新嘢呀，好好味架，又唔肥，正~~ (樣衰啲啲係因為隔咗夜，啱啱煮出嚟個樣好好架~~)

今日有lunch meeting食日本嘢，夜晚又有team gathering食韓嘢，實肥死~~最慘係今朝起身左腳膝頭哥個舊患發作，好痛囉，而家擔心緊聽日打唔到拳~~話說上星期因為病已經無做運動，再咁落下，我怕會爆肥呀，擔心中~~

倒數：距離北海道東京食、敗之旅仲有25日

我要喺新年嗰陣plan下啲行程嘞，起碼搭咩車同喺邊度搭都要知啩~~

三傻遊台北 - DAY ONE (10-01-2014) PART THREE

好喇，又有時間寫下blog，希望lee篇可以完成咗我既第一日啦，wakaka~~

上篇講到我地一仆一碌咁趕去動物園，都幾驚險下，又係度講少少啦，話說我地3點出發，去到捷運站都3:10，再買埋咭都成3:15左右，我地都驚去到入唔到，因為截止入場時間係4點。咁我地就逢escalator都開行turbo咁行，even係忠孝復興好長好長嗰條。好彩我地都喺3點10去到，見有人直撲去入口，但我見買飛條龍都短，都係唔好搏，沖去買飛，後尾先肯定可以用優悠卡嘟入場。入場既時候，會派一張籌，係去睇熊貓一家，我地分到既籌係16:00 - 16:09入場，咁即刻狂奔啦。去到見到排晒長龍，照排啦。排到夠鐘就跟隊入場，不過排到館外都仲要等既，最後都得償所願見到阿圓仔，好得意又抵鍚，抵我等你既。

睇完晒就去睇無尾熊：

兩次嚟，佢地都係瞓緊覺

之後朋友S話想睇草泥馬，咁我記得好似係非洲區附近，就去咗搵，但搵唔到，剩係見到佢地：

 中間嗰隻開緊小，我都係影完再望清楚先知，影低咗添，真係想同佢講唔好意思

lee隻自己行開咗，佢同上面嗰啲唔係好同色架~~

 仲有好肉酸既河馬

其實仲睇咗啲駱駝、鶓鴯，嗰陣都已經5點嘞。動物園無announce話閉館，趕人走，但就趕晒啲動物入返屋。幾叻喎，都無動物睇，啲遊客就自動波走啦。

朋友S仲係好想睇草泥馬，我地後尾見到啲poster，原來佢地喺兒童嗰邊，咁就急急腳去望下有無啦，竟然仲有得睇喎：

伸返個頭出嚟嘞!!

lee隻死都唔肯擰個正面過嚟呀，我地明明一致覺得你係靚仔啲架嘛。衰嘢吖，吊我地癮~~

睇完都差唔多5點半，真係要走嘞，因為我地book咗枱食飯。不過我真係好肚餓，所以臨走都去咗7-11買咗個飯團同朋友P share 食咗先。得返一個咋，係肉鬆飯團，我拎起咗之後，有個細路望住我，噢，sorry，我真係好肚餓，所以呢，我唔可以讓俾你啦~~

食完個飯團，就搭車去國父紀代館站食飯：

 黑醋栗梳打，今次佢落糖漿重手咗，好甜~~

 炭火，食食下真係會好熱

 先嚟一個沙律，菜好新鮮，麻醬汁好好味，好味

  

霜降豬肉(其實即係豬頸肉)同板腱牛扒。開頭佢話得澳洲和牛有牛扒，要成NTD1,600，我地筧得太貴了，所以無叫。後嚟，佢個staff走過嚟同我地講，板腱位的牛扒 (NTD380) 切好咗，問我地要唔要，咁緊係要啦。

 先自己烤豬頸肉 (staff有問要唔要幫手烤，我地答唔駛)

 烤得有點焦，有點脆，點少少檸檬汁，好好味

跟住就叫佢幫我地烤牛扒，牛扒佢地會幫手烤，唔想俾啲客烤壞咗。佢地烤之前會先換網，跟住叫啲客人唔好放嘢落去住，等佢地烤完塊扒先。

唔，有牛味、又軟軟的，好好味，我地臨尾仲encore咗多一塊

 等緊牛扒既時候，其實上咗lee個石頭飯，好香好好味架，好多飯焦，但又唔會太硬。未撈埋嗰樣靚好多，但個staff問我地駛唔駛幫我地撈，口快快答咗好，所以影唔到未撈既相~~

 跟住lee個係汁燒臀肉，其實我都知我唔太like汁燒，不過朋友S第一次嚟lee間食，所以都叫一個試下。唔，lee個啲肉實啲，但個汁蓋過晒啲牛味，個價錢仲同塊牛扒差唔多，no good~~

 之後仲叫咗個五花腩，韓式食法

 又係烤到佢焦焦地，夾落菜度，加啲蒜同辣醬，又係好好食囉

LEE餐，我記得食咗每人港幣207左右，好抵呀~~

其實都夠飽，不過想去師大夜巿行下，因為我去咗台北好多次，都未試過食滷味。

第一檔食許記生煎包，好有芝麻香，唔錯既 

 師大鹽酥雞，我買完先見到師園，不過lee間我都覺得好味喎，食落唔肥膩，又好香九層塔味，好味喎~~

最後，就試咗滷味，因為未買過，揀嗰陣俾個staff催，又唔知夾咩好，最後夾咗竹輪、牛筋、滷豬肉同王字麵，好大塊，食唔晒呀。開頭嗰幾啖都覺得好味，尤其係啲麵，但食多幾啖又覺得漏嘞。唔，試一次都夠lu~~ 哈哈，朋友P之後講起，見有對情侶喺隔離食，就問介唔介意同男朋友拍拖嚟食，我同朋友S都話最好唔好，唔係嫌cheap，只係用膠袋盛住，確係有啲怪，同埋覺得lee啲其實好無益。我地都話唔介意食雲吞麵或車仔麵，有個碗載住，感覺良好好多

食飽之後，就返酒店，途經7-11，叫咗個staff 幫手，朋友S終於拎到張演唱會飛啦 (之前喺幾間都process唔到)，原本我都想買啲嘢食，但又真係好飽，所以無買到。

返到酒店，就各自返房，我就嗱嗱臨沖完涼瞓，因為聽日9點就要出發，仲有既係我耳仔開始痛啦，我知自己開始病喇，泣~~

倒數：距離北海道東京食、敗之旅仲有26日

 (嘩，好緊張呀，一個月都唔夠喎，我咩都未plan囉，呵呵)