三傻遊台北 - DAY ONE (10-01-2014) PART ONE

我返嚟啦，其實星期日晚已經返咗嘞，但因為病咗，所以無心力同時間寫blog，今日好返好多lu，所以又可以打打打我既blog，哈哈。

剛啱嗰星期五、六、日喺台北過呀，首先等我介紹有咩人去先啦：

朋友S： 原來已經識咗10年，見面無咩兩句，但一玩LINE就好多句。同埋呢，我有啲心事都會同佢講架，一個似唔熟但其實好close既朋友

朋友P：我既長期旅行腳，啱食啱買啱傾，無嘢好講，仲要係行李達人，LEE啲腳喺邊度搵

我：一個病態 planner，唔太曉得隨意，總會有啲定時定候既飯要大家去食，近年學緊隨心去旅行，希望可以攞到個平衡

第一次同朋友S去旅行，究竟啱玩唔啱玩呢？

DAY ONE (10-01-2014) PART ONE 天陰至晴

朋友S既去程機同我地唔同，佢搭 09:20 (佢用mileage 換既)，我地就搭10:10，因為zuji既特價機票最早只得10:10嗰班 (而 zuji 比起 cathay 個 website平成$280一張，所以我同朋友P就揀咗喺zuji買)。

去到機場，就收到朋友S話佢班機會delay到 09:40，咁可以一齊去popeye食個早餐啦。

我lee個早餐正常喎，但係朋友S同P嗰個啲腸仔變得怪怪地咁架，好難食的。

朋友S食飽就先行去佢個閘位，我地食飽都去咗我地個閘啦，又係要撘無人駕駛，我好似好耐無試過唔駛搭嘞喎。

好準時咁board，上到去, 我隔離個人問我係咪坐咗佢朋友個位喎，吓，我無喎，佢就打電話問佢個朋友，佢朋友答佢個位唔係我嗰個，佢就話點解會咁，話online check in 一齊坐喎，咁我梗係唔埋佢啦，又唔知點解佢識啲前後左右嗰喎，最後就啲位換嚟換去咁令佢地可以坐埋一齊，話實在，程機都係個幾鐘，俾著我，就唔會換嚟換去咁煩氣囉。

睇完場大龍鳯，再等咗25分鐘先起飛，朋友P話聽到我地排第六起飛喎。

起飛咗，好快就派餐：

唔知係咪慳錢慳時間，個餐無盤盛住，飲品亦無得俾你揀。個冬菇豬肉炒麵，冬菇豬肉無問題，但個麵條真的很難吃，好似塑膠，兼且係黏埋晒一嚿既。食咗幾啖，我放棄咗。

待續~~