噚晚仲要抽起條筋想食方包，晚餐就加多塊方包啦，又係牛油花生醬同果醬，係減肥後先覺得lee啲咁簡單既嘢係咁好味既，今朝又食咗一塊，但而家講起，又想食添u。今日lunch呢，我就煮咗日式露筍雞柳炒麵，因為支炒麵汁唔夠味，我地買咗支日式豬扒汁去溝，今次夠味好多，咁我估用露筍 (唔用椰菜)都幫到手，因為唔會出咁多水，今次我真係覺得成功呢，好開心~~
我仲想講呢，我配咗副新眼鏡呀，都幾靚仔架，你地話呢，哈哈。我個框同鏡係分開買既，我俾個視光師話lee個框太大，唔係好啱我 (其實佢係從戴上去既合身度出發，我耳仔唔啱位架佢要夾硬較個框嚟就我)，不過我又覺得自己帶咗好好睇呀 (唔知醜中)，人呢，覺得自己好睇，就好多嘢都唔實際架嘞，wakaka
噚晚我仲買咗一份禮物俾自己，我唔知中譯本出咗，好彩見有blogger講10月尾已經出咗，我就即刻去買啦。不過噚晚要洗衫、炒麵同埋做運動都無得閒睇呀，今日我帶咗返工呀，因為今日要出街做嘢，做完嘢撘車嗰程好遠下，可以煲佢lu，期待ing~~
一陣出街做嘢，應該會食埋晚飲先返屋企，好想食譚仔三哥呀，仲要係炸醬喎，但好肥喎，好guilty咁添，我仲約咗同事聽日去飲茶，因為我好掛住啲點心呀。聽朝要上磅嘞，咁我究竟食唔食譚仔三哥好呢？(煩惱中~~)
倒數：距離北海道東京食、敗之旅仲有103日
仲有好多日呀，我已經好想去嘞，點算好呀???
wakakak~為食貓~我同你一天的腦子裏都係食物~~~~~好夾~~
回覆刪除雪糕同朱古力我可以唔食...薯片我可是完全沒有抵抗力~~~(弱)
今次炒麵~出色~
眼鏡個型幾好睇呀~不過我未見過你唔知襯唔襯你面型呢~
譚仔譚仔~三哥三哥~
你2月去?咪會好凍囉~
係呀，我超愛食嘢。
回覆刪除咁你比我好啦，衰一樣，我對大部份零食既抵抗力基本上係零，唯有正餐食少啲啲，先可以俾少少位啲零食咋，嗚~~
好襯架，我好襯圓眼鏡的。都想俾你見下我個樣，你就知襯架嘞。但lee度太open了，我怕醜，wakaka~~
譚仔三哥，我噚晚報到了，仲隨心所慾添，hehe
係呀，睇雪again吖嘛，其實舊年都係lee啲時間去，不過上次大病中，今次我要健康的去囉。
哈哈~~最弊我諗薯片係哥3樣中最無益既呢~~而我又好鐘意一包食到尾...無節制咁食先夠high~~~~~~~~一係唔食...一食食到尾~~~正~~~
刪除wow~~搞到我好想睇下添~~~~
係咪即係大土匪雞翼哥間黎架???
你就好啦~~~我都未係日本睇過雪架~~我係now仔呀~~~
哈哈，但我樣樣食齊呀，陰公。不過而家學識食少啲，夾起佢，慢慢食 (係無咗一包食到尾既暢快，但我真係唔想再肥呀~~)
刪除emm，點可以俾你睇到我個樣呢，要研究下先得。
下年去啦，如果喺日本撞到你都應該幾開心喎，哈哈。我仲可以分享下啲行程俾你呀。
漏咗答，譚仔同譚仔三哥都有土匪雞翼賣，但我個人口味就like譚仔三哥多啲。佢啲麻辣湯底唔油架，好味 (不過食完會口渴囉，偶一為之啦。)
刪除