自煮 - 吉野家風豚肉飯

我而家好眼瞓呀，但又想寫blog喎。哈哈，其實我係唔識喺office瞓覺，對手會好痺既。

噚晚我放咗工，去咗超市買餸，今次試煮新嘢：吉野家風豚肉飯，又係出自鬼嫁既食譜，調味跟足，但材料我就無放咁多豚肉，但加咗半塊蒟蒻去煮，但牛油都跟足5g囉。嘩，一落牛油去個平底鍋，香到呢。因為我無LC用呀，所以啲時間都自己調節咗。

我自己覺得唔太似吉野家既味(可能我改動咗)，但都好好好味，又好香牛油味，lee個可以encore喎。

煮完飯，就乖乖去做stepper同鄭多燕，噚晚狀態好多了，所以我都可以做足晒，跟住搞東搞西，搞到1點先瞓，所以而家咁眼瞓囉...

倒數：距離台北趕住食之旅仲有45日 (噚日send e-mail問馬辣訂位啲嘢，佢叫我去前一個月先訂，因為只係接受一個月內既訂位，已經mark低schedule啦。我堅掛住馬辣呀。)

距離北海道東京食、敗之旅仲有82日。