星期三朋友S過來同我食lunch，我地又去咗食元氣，因為我好想食壽司，不過唔知係咪啲藥好削胃，搞到我成日都好鬼餓。朝早其實已經食咗半條粢飯，lunch前仲食咗塊餅乾，但我去到元氣都食咗成10件壽司再加一份芝麻豆腐，但都唔係好飽，但平時食7-8件壽司已經可以KO我架嘛，我真係好鬼驚病完會肥幾磅。夜晚去咗食粥，炒麵同1/4條油炸鬼。嗰日無做運動呀，真係太攰嘞。
朋友S割愛送俾我既禮物呀，好開心。佢話難得係同好喎，所以送俾我，多謝朋友S。
噚晚去咗打拳，跟住去咗BBQ7080慶生。係呀，病住都去咗食韓燒，我都知唔係幾乖架啦，但因為間嘢都難訂位，我又見好返好多，就去啦。今次都叫咗好多嘢食：有五花腩、豬皮，辣豬腸、牛舌、濟洲豬肉、仲叫咗個海鮮豆腐湯同辛辣麵，不過今次堅唔敢飲酒啦。食飽仲去咗食甜品，食咗少少咁啦。
今次無咩影相啦，因為同上次叫既都差唔多，不過真係幾好食。
今日lunch 係自煮既雞柳牛肝菌甘筍炊飯，今次加咗飯呀，上次唔係好夠食。唔，一樣咁好味囉，又易煮，我都幾愛lee個食譜。
今日我又攞咗sick leave，雖然精神好多了，但有好多鼻涕，把聲又好核突，兼且又無晒藥嘞，所以都係抖多日啦，我好怕拖得耐呀。原本都驚係餐飯惡化咗個病，但醫生話進展都ok (咁我又梗係無主動話俾醫生聽我咁抵死去食韓燒啦)，佢話希望我睇埋今次，食晒啲抗生素，唔駛再去睇佢喎，阿醫生真係幾好。
死啦，我好似肥咗好多呀，唔知係咪因為病食多咗，定係病到有啲水腫，又或者係我親密朋友又要嚟探我，所以重咗呢，我梗係希望係後邊個兩個啦，唔想真肥吖嘛。一陣食完藥要去瞓覺，今晚食生果同做運動，希望還下債，可以力挽狂瀾啦。
倒數：距離台北趕住食之旅仲有50日，今次去3日咋，真係好趕住食架，哈哈。
距離北海道東京食、敗之旅仲有87日。
原來有兩個倒數係好開心既呢。
係呀le~~倒數真係好開心呀~~~你就好啦~~之前就係講台北嗎??依家確定了??正呀~~~
回覆刪除如果醫生知係食韓燒仲唔鬧屎你~~
戒下口啦~
豬皮正嘛??
係囉，倒數真係好高興既呢。無錯，就係台北啦，確定了，機票，住宿也訂了，去吃吃吃呀。
刪除哈哈，所以我打死都唔會主動話佢知既。
除咗餐韓燒，我有乖架，但都未好得晒呀，大灰。
豬皮很正呢，今次無飲酒 (佢地3個飲咗1枝，上次我地4個飲咗5枝，醉咗)，價錢ok喎，4個女仔食咗$810咋。你嚟開香港可以去試試。最多我幫你訂位嘞。
唔知你訂台灣d野幾錢呢???你就好啦~~~~~台灣野食真係唔錯~~~~
刪除傷風d野真係要慢慢黎~飲多d水囉~
咁真係幾平喎~~我地普普通通咁食都可能要200幾蚊了~~
我訂台北啲嘢，去zuji訂cathay 機票，HK$1,669 包稅到燃油附加費，酒店訂咗褔泰桔子，HK$640 一晚。一個人大約HK$2,340，我覺得OK呀。
刪除無晒藥啦，靠下自己先再算。