急就章之關西自由行 2014 DAY TWO (25 May 2014) PART TWO

嘩，原來我無寫 blog 好多日呀，因為有啲嘢煩緊，不過要做既已經做晒，而家只可以等結果。攤凍咗咁耐，我好似唔係好記得啲細節喇，我有啲驚個遊記會爛尾呀。嗚~~

急就章之關西自由行 2014 DAY TWO (25 May 2014) PART TWO

食完士多啤梨，我地又要向下一站進發嘞，我地要去京都食京都牛呀。

用住朋友S推介既apps，好順利咁到咗京都啦，嗱臨上伊勢丹11/F，去到要等位呀，好似都等咗25分鐘左右，就入得去嘞。我地等位嗰陣已經諗定食咩SET，但原來得一個爐，所以只可以叫一款鍋，咁佢地就俾我揀我最愛既 sukiyaki。

lee間嘢既另一賣點係有個對住個京都塔既view，最衰我部電話影唔到背光相，自拍唔到，so sad。

唔記得邊個餐有既前菜。

講到尾，我同P都係最愛 sukiyaki，但其他團友好似麻麻地，佢地都係鍾意食神戶嗰啲熱板燒。哈，我唔理佢地呀，一人揀一餐吖嘛。不過呢，我同P都覺得因為咁大班人 share 嚟食，啲嘢又攤凍咗啲，sukiyaki 啲牛又煮得老咗啲，所以今次無上次咁好味呢。lee 啲 set 真係最多兩個人 share 好喇。

食完牛，行咗一陣伊勢丹，我同P無收獲，其他團友就買咗好鬼多毛巾仔，哈，佢地好可愛架，去到邊都買好多毛巾仔，因為呢，佢地做好多運動，成日都要用。我就少買，因為佢地去親旅行就會買俾我做手信，我可以慳返，wakaka。

shopping 完就搭巴士去袛園，哈，今次我偷懶咗，無搵定搭咩車，所以成班人傻傻地咁搵咗一陣，都係要問啲車站叔叔先搵到車搭。其實我同P前年先去過，但上次病到傻傻地，堅唔記得晒啦。團友對啲舖仔都好有興趣，又俾佢地買到嘢喎，叻~~ 我同P就剩係買咗綠茶卷同食咗綠茶雪糕咋，係啦，我地剩係掛住食。不過最後都買咗隻 miffy 俾我地個朋友做入伙禮物。

 係咪好靚，好得意呢。

好濃綠茶味既雪糕，好回味呀。

 之後，又入咗啲舊街行下，影下相，就要搭車回程返大阪 lu~

臨走，影張夜晚既塔先。

夜晚去咗食天屋，P最愛，點知呢，唔好食既，原來得新宿嗰間好味架咋。唓~~

食咗咁多嘢，真係好飽架其實，但我地傻架嘛，仲有宵夜：

喺祗園買既箱押壽司同腐皮壽司，我同P都好鍾意食，但團友們就麻麻地，ER....口味既嘢真係好難講~~

除咗LEE啲，仲有好鬼多既薯條啦、魷魚天婦羅零食、魷魚同埋團友們覺得最不可缺既酒啦。又飲飽食醉到半夜，同佢地去旅行真係好癲囉。

hehe，我呢，其實有個旅行可以出報時架，但我又怕會小氣，講唔講好呢？