急就章之關西自由行 2014 DAY THREE (26 May 2014) PART ONE

今日叫做收到煩嘢既最後結果，都叫做 positive 既，要準備重新開始出發~~

好嘞，有返啲心情同精力去寫 blog，隔咗鬼咁耐，終於去到第三日

急就章之關西自由行 2014 DAY THREE (26 May 2014) PART ONE

食咗幾餐，都未有全員叫好既情況出現，心情難免有丁點失落，又睇下今日點先。

今朝我地去拳友T提議既黑門市場：

拳友們食海胆、生蠔，我同P食Oden

 拳友們既魚生

J先生買既大卜口壽司，我偷咗一件嚟食之後，買咗盒細啲既同P分享。

LEE個堅好味，其實都係好似上面嗰盒咁靚架，我部電話影得衰咋。最衰係佢LEE個卷物都好先抵死嘛。我之後都有介紹人去食，都係讚好呀。

跟住一行六人食鉄板和牛，都幾好味。不過唔係最貴嗰件最好，應該係1,200 YEN 嗰件最好食。

食完牛，行咗陣市場，拳友們繼續有斬獲，買咗好多手信，我同P繼續買咗啲啲嘢食咁啦。跟住全員去咗 Starsbuck 飲咖啡。食到勁飽之下返到酒店繼續食，佢地話食啲生果消滯喎~~

士多啤梨，香甜

 

 兩個瓜都勁多汁同勁甜，但我都係鍾意食綠色嗰個多啲。而家都好掛住。

煩嘢完咗，但世界盃都完咗。噚晚有爬起身睇咗上半場，跟住覺得太緊張又眼瞓，所以決定唔睇下半場。好彩起身見德國攞杯，開心 (細細個就鍾意西德，情意結)，但見到 Messi 個樣失望到呢，好慘慘豬咁，feel so sad for him~~