俾我呻下幾慘：生日之後，我唔小心患上氣管炎，已經唔算拖咗好耐先去睇架啦，醫生亦唔敢怠慢，即開抗生素過我食，點解過咗兩個星期都仲未清得晒架？而家啲菌真係好惡呀，我前後睇咗兩次西醫 (7日抗生素)，再加一次中醫，total 睇咗我$500呀 (西醫已經係panel doc，不過公司既 insurance plan 真係好cheap囉，睇panel都要補幾十蚊)。最衰既係，因為咁耐都無病好，housemate 朋友P終於頂唔住我啲惡菌，俾我傳染咗，我堅係內疚呀。
病住都慘架啦，點知上星期四沖涼嗰個熱水爐突然就長休嘞 (雖然其實佢之前都通知(壞)咗好幾次)，咁我地嗰晚煲水沖涼啦，係咁凍既天氣下，真係......好啦，星期五晚朋友P趕到去煤氣公司落order，叫佢星期六嚟裝，諗住都係捱多一晚煲水啦。點知呢，師傅上到嚟一睇，話個浴屏擋住，唔夠位裝，仲要無一個爐啱裝喎。吓，咁點算呀？我又無可能拆咗成個cubical架，但我又唔可以無熱水shower喎。我個刻真係呆咗，咁同我舅父(佢幫我間屋裝修)商量，決定拆咗個浴屏，轉浴簾囉。好彩我舅父都好鍚我既，星期日就上嚟幫我拆，而家諗咗第二個辦法，總之夠位裝新熱水爐，之後舅父會幫我執返好啦。今日晏晝會裝嘞，希望一切順利啦，finger crossed (亦都要多謝朋友P喺佢忙既時候攞半日假等安裝，我呢，一早敗晒啲假 lu)。
12月嘞，我諗啲衰運會走架嘞，呵？
上星期五，病住都去咗打邊爐，今次同S公司啲舊同事，又係去新東記 (哈哈，係呀，我唔覺悶呀，次次都去LEE間，hehe)，係除咗我食舊千層豆腐，俾啲湯刺激到我氣管狂咳之外，跟住個樣好樣衰之外，成餐都食得好開心呢。我地仲約埋今個月尾去大澳食雞添，期待中，呵呵!!!
佢啲餐肉、三黃雞同味菜胡椒豬肚湯好好味，大推呀。
今日lunch有朋友P煮既炒烏冬，又係好好味。唔知聽日有咩lunch食呢？
倒數：距離台北趕住食之旅仲有40日
距離北海道東京食、敗之旅仲有77日
叫你乖架啦...要戒下口喇..
回覆刪除我有一年都係咁呀.....係成個生日月係氣場超弱...狂病...唔知搞咩.....
無熱水真係好濕滯...我都有好幾次煲水沖涼...
乖架嘞，雖然有偷食少少薯片，hehe，但生冷嘢真係唔敢。而家好返好多 (touchwood 先)。
刪除係囉，都唔知搞咩，好啦好啦，病完，衰完無事架嘞，之後就係聖誕同去旅行啦，會好好玩既。
係呀，其實都係捱咗4晚，但覺得lee幾日堅漫長，捱得好辛苦......