噚日放工去咗尖沙咀攞衫，上上個星期六買架嘞，買咗4件，都係得2件攞，幾時先攞得齊呀？買咗好想快啲著架嘛，希望快啲有得攞埋嗰2件啦。攞完衫，去買咗兩件印尼點心，就去會合埋朋友P (佢要攞鞋去整)，去食傷心酸辣粉，好辣好味 (不過真係好無益，偶爾食下好嘞)。跟住就趕返屋企買餸同做運動，嗱，我堅乖呀，返到屋企成10點幾，我都堅持做運動呀，搞到點幾鐘先瞓得。所以呢，我今朝就換咗Starbucks送既咖啡做早餐，如果唔係，我實喺公司瞓著囉。
今日晏晝嗰餐有mustard chicken pasta食，我覺得好味喎，不過朋友P就唔多滿意，話會再煮過，咁梗好啦，期待ing。
話說我地拳會個老闆同老闆娘生咗個B呀，咁我地4個拳友就決定夾份送份禮俾佢，拳友E就幫我地買咗份禮，我就負責整咭，不過呢，而家網上搵嗰啲都唔係好靚，咁我就唯有搵朋友P求救啦，佢除咗係意粉達人、行李達人之外，做手工都幾堅下。多謝佢捱義氣，咁忙都抽咗個LUNCH時間幫我整，thx呀!!!
點解咁耐都未有衫攞既??要改細呀??
回覆刪除你個朋友p真係萬能人喎~跟毛寶一樣~
因為佢搬新舖，有個offer俾VIP，係限期前買衫，可以係改啱我既呎吋，先試版，再造，所以要等。
刪除係呀，朋友P識做／整好多嘢，勁呀! 毛寶都叻叻!
咁就算啦~~~咁好服務~~~有special offer俾vip~~仲有得改到岩~~~~等一陣都抵~~
刪除睇黎我地身邊都有個叻叻朋友~~~~~不過你都好叻呀識整咁多野~~~
係啦，難得佢咁有passion，我都無咩怪佢既，不過想快啲著新衫啫。攞咗嗰兩件已經著咗lu，開心~~
刪除哈哈，係囉，人生難得識到個好朋友，仲要萬能嗰隻，wow，簡直勁~~ 哎呀，咁架，讚人地讚到面都紅晒啦~~