個飯局係outback食，諗住就腳先揀lee間，好彩佢唔多人，因為我個舊老細遲咗成個鐘先到，因為做嘢遲就算啦，我就打candy crush解悶囉，係俾啲waiters望下望下有啲尷尬啫。我有記得自己減肥呀，所以呢，我就叫咗Queensland Salad同 lemon soda (其實佢得 lemon squash 架咋，咁我要求走雪碧同糖，佢話照收我 lemon squash 既錢，當然無問題啦)。
我無影相，費事俾佢覺得我幼稚啦，但又真係好想share俾大家睇睇，所以我就上openrice 搵咗張相俾大家睇睇啦 (from openrice by kevinning)。個沙律好大碟，有雞肉、煙肉、碎蛋、青瓜、車厘茄、菜同croutons，dressing呢，我就揀咗芥末醋汁，好好味喎。搞到我食剩啲雞肉同煙肉咋(其實我食咗大半碟嗰陣，已經好飽下架嘞)。
返到屋企都差唔多十點，多得朋友P仗義相助 (因為佢有生日lunch，唔駛帶飯架)，煮咗個Chorizo雞柳橄欖意粉，用 paprika 調味，又係堅好味囉，意粉達人並不是浪得虛名。唔駛煮飯，我先有時間做鄭多燕同stepper咋。
今朝起身覺得自己好重下，但都要面對架啦，emm，結果係兩個星期輕咗0.4磅，咁一方面諗輕得咁少，另一方面就覺得之前咁食法，無重都算係咁。但而家離我生日得返37日，但就
仲有4.2磅，我開始覺得我可能送唔到lee份禮物俾自己呀，愁~~
可能平台期je~要加油呀~~~
回覆刪除你朋友係咪學過煮野食架~
我唔知呀，不過我會加油的，因為見到個shape真係好咗，我會繼續努力。係之後要keep，都要好大恆心，但我堅係想今次減完可以keep 到啦。畢竟都咁上下年紀，啲身陳代謝真係慢咗好多。
回覆刪除佢無學過架，仲唔鍾意一直跟住個食譜煮嗰隻，佢會睇完啲食譜，再諗下點煮好，調味又好隨意嗰隻，但又好好味喎，可能lee啲就係天份啦。