嘩, 原來咁耐無寫 blog 喎, 足足 9 個月無寫, 無理個 blog。應該都發晒霉啦, 好似我個人咁, 唉......
因為轉咗工, 公司 block 晒啲 blog, 無得 lunch time update, 而且帶飯仲要落 canteen 食, 我其實鍾意做自閉仔, 喺自己嗰位度, 一邊食, 一邊上網架嘛 :-p
而家用手機試下寫啦, 有啲嘢寄託下, 個人無咁腌悶! 講下 Lee 9個月做嗰啲咩啦: 由唔飲酒, 變到密密飲去逃避壓力, 後果係肥咗 10 lbs 呀, (因為我要食好多芝士呀, 薯片送酒), 好驚變豬! 而家唔敢飲咁多啦, 減肥真係好難架, 我仲搵返大媽救命, 希望快啲減埋嗰 7 lbs 啦 (已減咗 3 lbs, 不過好慢呢！) 仲有係多咗同啲朋友飯聚啦, Lee 9個月遇到太多怪人嘞, 令我發覺我啲朋友實在太好太好嘞 (一早已知他們的好, 但遇到怪人太多, 令我更珍惜佢地啫)
返埋今個星期五, 星期六就放假去玩嘞, 但唔知點解每次放假去旅行, 仲有單 case 要死纒住我呢, 仲要係等其他部門 support, 想急都急唔到 (其他部門係推極都推唔郁佢做嘢架喎, 咪之所以做到我覺得好腌悶囉)
俾個倒數自己開心下:
距離芭提雅、曼谷狂食, 小打之旅2015 仲有5日
Gogogo!!!!
wow~等左你回歸好耐喇~好可惜你無再寫你旅行d野~
回覆刪除人地想睇架嘛~~~~
其實呢...我近排斬搵番鄭大媽....不過我無你咁勁跳到咁耐..
我跳係15分鐘既再另加踩單車..希望大家都work啦~
知道嘞, 希望可以泰國之旅可以寫到啦 :-)
回覆刪除我有時跳 1 part, 有時會做埋 figure mat 嗰 part。但做完真係攰到嘔架。咁我肥過你, 老過你, 貪吃過你吖嘛, 咪要勤力啲囉 :-(
老土嗰句：共勉之 (嘩, 真係好老土)