北海道東京食、敗之旅 DAY FOUR (19-02-2014) PART THREE

嘩，好懶呀，進展得超慢，要快啲寫晒個遊記先得，因為我已經唔係好記得喺日本做過啲咩啦~~

北海道東京食、敗之旅 DAY FOUR (19-02-2014) PART THREE

睇完個溫泉，又周圍行下，但真係無嘢睇，行到想走既時候，見到間大超巿，咁梗係行下啦。個超巿都真係幾大，行下見到佢，諗起S：

有四款，最後我地買咗：

Moon 係俾S既，我個隻係Cony，Brown 係 P既，哈

仲買咗 lee 包嘢俾自己同表哥 (阿表哥話送酒好味喎)：

又試埋LEE隻三文治：

都係麻麻地，試埋LEE個收工，剩係推介蛋沙律味，堅係正

之後見罐酒做特價，唔抵得又買多罐：

罐大既係細超巿買既，點知大超市大細罐都平好多，但兩罐大又太多，所以買多罐細既

掃完貨，又去搭巿電，跟住去紅倉庫嗰邊。

落車已經好黑下，朝住個海邊行，去到，好記得係17:50左右，見住啲遊客上車走已經覺得有啲啲唔對路，唔埋，衝入去明治館先，見到我好LIKE既佢，咁P見我晏晝仆到咁應，話叫我揀一個返屋企喎 (佢送，嘩，發達囉，多謝P)，喺我左揀右揀既時候，個館開始熄燈，唔係下話，咁早收???  嗱嗱聲揀完就俾錢啦。俾完錢，原本諗住行下個食品部，噢，sorry，都熄晒燈，望一望個牌，收 18:00，遊客地方都收咁早既？

既然搭咗車嚟到，都要周圍行下架，見到附近有幾間餐廳。之後又行下近海邊嗰邊，都仲有幾間買手信既開緊，收19:00，咁又行下囉。見有 marion crepe，好想食，就買一個blueberry cream cheese crepe 嚟 share啦，原來做緊半價，咁抵好想買多件，但最後都忍住 (而家有點點後悔囉~~)

跟住睇啲嘢都係啲食既手信啦，流流地既玻璃製品啦，好快行完。咁就影下相，跟住去食飯啦喂~~

lee張我覺得好荒涼，好襯嗰個地方喎。

我地行返去明治館附近，揀咗食拉麵，之前睇個啲blog，啲人話lee間都幾出名喎。係呀，我鍾意既佢，就係LEE隻 bear 啦，佢同我個名一樣架。我揀咗佢跟我返屋企~~

我知lee度塩拉麵出名，必叫既，見到有沾麵，又想試下，咁就同P share食啦。點知呢，好後悔唔一人一個塩拉麵囉，因為都好好味，而個沾麵係魚介口味，我同P都超唔 like 囉 (但都乖乖的清了，要惜食嘛~~)

 仲食咗餃子，ok啦

搭車返到酒店附近，咩都收晒。咁就去酒店樓下間便利店shopping，今晚又係要試 special edition (所以先唔買多個crepe之嘛)，仲買咗少少嘢，俾錢嗰陣要500幾 yen，第一嘢諗點解咁貴既，望一望，原來杯雪糕要 420 yen，之前啲玫瑰呀、櫻花呀都係200幾 yen 咋嘛。

食落都好味既，覺得都可以豪一次俾佢囉。

臨瞓前，表哥話婆婆精神咗啲，可以食到粥，但因為天氣凍，所以唔出院住~~安心一點，但還是很擔心~~