好啦，準備好睇我既遊記未呀，未準備好，都唔理你嘞，哈！
北海道東京食、敗之旅 DAY ONE (16-02-2014) PART ONE
話說之前嗰晚係公司 annual dinner，諗住抽下啲現金奬幫補下，但無奈咩都抽唔中......
嗰晚11點幾返到屋企繼續執埋啲行李，執到點幾兩點叫做執完，冬天真係要帶好多嘢......瞓到5點幾起身，因為要搭6:15班車去機場。去到機場7點幾，唔算多人，寄完行李就入閘食早餐，次次都係食佢：
老實講，佢真係唔算出色，但唔知點解每次我地都會食佢，可能佢得機場有，無其他分店啦，哈
食飽，hea咗陣，去榮華增值八達通，去到先知日本遊客同外藉遊客堅會買嗰啲熊貓造型既曲奇，老實講，我未食過，因為望落都似唔好味，哈，我係咪好衰呢？搞掂就去閘口等，好嘢，今次終於唔駛搭無人駕駛，開心~~
上到機，仲有樣嘢令我開心既：
lee 啲係咪嗰啲 premium economy 呀？啱啱係 b. class 後面嗰行，可以仲直晒腳，平時我 thru CX買機票，block 咗唔俾我揀嗰啲呢。估唔到今次 thru JAL，無得 online check-in 既情況下，竟然俾到 lee 啲位我地，好正。睇戲無耐就派餐：
通粉好乾下，都係P煮得好味啲
個粟米豬肉飯好少少，但都係可以歸類為唔好味。
記得以前搭CX去日本，都會有杯HD雪糕，今次無...... 喺機度睇咗"誰調換了我的父親"，OK啦。睇完見無咩戲想睇，就睇咗兩集 The Good Wife，跟住就落機嘞。
過關都好快，我真係好鍾意日本排單行既安排，公平啲吖嘛，又唔怕揀錯咗隊跟。出咗閘，好多團，啲團友逼晒入Lawson買嘢，雖然多人，但我好想買啲嘢飲同嘢食先搭車呀，所以又去逼埋一份，買咗：
係呀，好悶呀，去到日本都係飯午後之紅茶，但唔知點解我同P都覺得日本版好味啲既
買完，就行去搭JR啦，唓，原來去行去JR經過 domestic flight 嗰邊好多嘢買架，早知唔駛逼啦。見到上次一試傾心既餅，唔理咁多，買咗先：
lee 個餅真係好好味，我地今個 trip 總共買咗三次，total 12塊，雖然今次食咗咁多，但都未厭。係怕佢會融，所以帶唔到返香港俾啲朋友試。
待續~~~
hey~~~hey~~~我要表達~~~
回覆刪除我同你對鞋一樣架~~~~不過我係藍色呀~~~
我就係著佢去冰島架喇~~~~~~好岩呀~~~~
我記得呀，你同毛寶都有一對架嘛，仲要係毛寶勸你買架嘛。嗰陣我唔敢話自己有呀，因為我睇得出你覺得佢樣衰吖嘛，哈。
刪除老實講，對鞋喺雪地都ok呀，不過我自己衰，失神仆咗一次，遲啲會係遊記講架嘞~~
仲有仲有，今次同行既P都係著LEE 對鞋呀，佢嗰對啡色既 XD
刪除