因新年之名狂食篇第一章 - lunch @ 鮨福助

今日又講食嘞，新年呢，縱然我唔多like lee 個節日，但心情都會跟下大隊，團下年啦、開下年同埋團拜，所以我呢，狂食咗好多餐，今日講下第一章先。lee 餐又係半公半私啦，都係個句，係職場識到真朋友，堅感動呀。今次既地點係朋友E提議既 - 鮨福助

 先嚟沙律、前菜、同埋茶碗蒸。沙律新鮮、茶碗蒸OK啦，前菜就麻麻~~

其實lee個餐喺彩星間禪八都試過，所以就不其然會比較下。首先，lee度係分開兩次嚟既，天婦羅烏冬嚟先。個天婦羅ok既，漿唔算厚，不過禪八好味啲。個烏冬又係ok，好食過禪八，禪八嗰個唔係好得架。好啦，最重點嗰個葱吞拿魚腩飯，吞拿魚新鮮呀，好味，不過個醋飯就係禪八啱我口味啲~~

之後嚟過甜品，咖啡啫喱配白玉，白玉啲質感怪怪，但咖啡啫喱就幾好。其實我係啫喱怪，唔係怪/甜到死既味，我諗我都會鍾意既

lee個set 好似又係百幾蚊，無記錯會貴過禪八少少。如果俾我揀，我會揀去禪八，因為我基本上係無胃口容納個烏冬，哈哈。仲有呢，禪八有個剩吞拿魚腩飯蓉的 set，都係百幾蚊。

倒數：距離北海道東京食、敗之旅仲有6日咋，行程大概 plan 好咗，錢都兌好咗 (不過好蝕囉，0.0762呀，泣)。嚟緊星期六就約咗攞租既電話上網咭，仲要執行李，跟住仲要去annual dinner，噢，好忙添，點算???