好啦，又講下我食咗啲咩好嘢先。lee幾日啲早餐都好豐富喎，有包，有蛋糕呀，之前我食幾匙 yogurt 就算架啦嘛 (因為我要留返啲quota 喺公司食零食)，所以佢地令我好有滿足感喎，但最慘既係，滿足還滿足，我都繼續食零食，emm，咁唔係幾好喎......
噚日lunch同咗朋友S食元氣again，因為想佢教我用部 Z1，佢俾咗好多有用既APP我喎，又解答咗我啲問題，真係好，我而家已經有少少鍾意咗部 Z1嘞，你話吖，朋友幾緊要呢。不過呢，唔知點解同朋友S食元氣，會食多啲架，噚日食咗9件壽司加一客芝麻豆腐喎，都幾 full 吓。跟住下晝要出街做嘢，喺上次講過嗰間J'AIME BIEM PATISSERIE 附近，搞到我心思思想食佢個 tea cake，但買一條又確實太多了。諗住算數啦，點知同我老細推介既時候，佢就話一人一半，因為佢都想試，但又覺得佢同佢老婆會食唔晒。咁我梗係話好啦，哈哈，今次又係佢請，其實我真心想俾返錢佢，有啲唔好意思嘛。anyway，多謝老細啦，雖然我唔認為佢會睇到我啲blog，呵呵。
今日lunch係朋友P煮既 pasta，佢話用咗paprika powder、olive in chilli 同 dried chilli 煮既，新口味，又好好味喎。
聽日有得飲茶呀，期待中又帶點心虛，唔得，要從零食嗰邊著手先得。
倒數：距離台北趕住食之旅仲有31日
距離北海道東京食、敗之旅仲有68日
12月真係一個好大既考驗~~~一定一定會食好多好多既野~~好難搞呀~~~~~~~~~~~~~~~~(我在假擔心~~我一定係食左先算的~)
回覆刪除係呀，我啱啱download 咗個calendar app，入緊啲 gathering，12月已經有5個飯局，1月頭有2個，仲要係邊爐、韓燒、雞煲嗰啲勁嘢，我堅係驚呀。
刪除仲有1月既台北同2月既日本，一定豁出去，食到肥晒返嚟，諗起要還咁多債，真係滴汗~~
冬天係咁架喇~~~我聽日都邊爐呀~~唔使驚~~去吃啦~~~~不過記得做運動~~~
刪除去旅行更唔可以唔食啦!!!!!!去台灣要血吃呀記得!!
知道喇，總之我唔會餓親自己，又唔會俾自己翻脹既，運動已經係我生活其中好重要既部份了。
刪除我梗會豁吃啦，已經訂了馬辣了，仲有日式烤肉同brunch要book位呢，又緊張又，又期待。